نقلت شبكة قنوات أون سبورت إف إم تصريحات أحمد مصطفى زيزو لاعب الزمالك ومنتخب مصر، بشأن اقتراب اللاعب من الانضمام إلى الأهلي، خلال فترة الانتقالات الصيفية المقبلة.
وقال زيزو في تصريحات نقلتها أون سبورت إف إم: “أنا في غاية الإحباط ومش مصدق إن دي المعاملة اللي أستحقها من مسؤولي وجماهير الزمالك، وأبويا راجل محترم وهو اللي جدد عقدي مع الزمالك مرتين ومخدش فلوس”.
وأضاف زيزو: “مشكلتي ليست الفلوس لإن ببساطة اتغير عليا 7 مجالس إدارات وكنت بجدد عقدي عادي وحتى أما طلع هشام نصر قال إني عاوز 60 مليون جنيه، والله الكلام ده ما حصل، ولكن بابا قاله هتعرف تعوض إبني بعد عرض نيوم بما إنكم رفضتوا العرض ولكن مكانش فيه رد مقنع.
وواصل: “العمال في النادي كان بيقولوا إن الزمالك خد قرض بـ200 مليون جنيه عشان يجدد للزمالك، وميدو اللي عاوز يجددلي كان بيهاجمني في المدرجات خلال مباراة مودرن سبورت وقال بقى ده اللي عاوز كل الملايين دي”.
