مصر حقق المعادلة الصعبة وقدرت ترجع الاستثمارات ورؤوس الأموال المباشرة للسوق المصري.. ياتري ازاي مصر حققت المعادلة دي... ومستهدفات مصر من الاستثمار الخارجي بتوصل لكام.
عودة الاستثمارات الأجنبية للسوق المصري واحد من اهم أهداف الحكومة في الفترة الرئاسية الجديدة، خصوصا أن الاقتصاد المصري خلال الفترات اللي فاتت عاني وبشكل كبير جدا بسبب خورج نسبة كبيرة من الاستثمارات الأجنبية من السوق المصري وده تسبب في وجود ازمة كبيرة في توفير العملات الأجنبية في البنك المركزي والبنوك الوطنية.
علشان الدولة تحل أزمة نقص العملات الأجنبية في البنك المركزي والبنوك الوطنية كان لازم الحكومة تعمل صفقة تكون ايراداتها كبيرة جدا وفي نفس الوقت تكون لها عوائد مباشرة علي الاقتصاد المصري في السنين اللي جاية يعني ميكونش ايراداتها متوقفة علي الفترة الحالية بس، وده اللي عملته الحكومة لما وقعت عقود الاستثمار السياحي في رأس الحكمة والصفقة دي كان لها عامل السحر في تغير خريطة الاقتصاد المصري بشكل كامل خصوصا أنها دخلت لمصر 35 مليار دولار كايرادات مباشرة وكمان هتوفر عدد كبير من الوظايف المباشرة والغير مباشرة للشباب المصريين، ده غير أن الانشاءات والفنادق الجديدة اللي هيبينيها المستثمر الاماراتي هتكون سبب من اسباب زيادة الاقبال السياحي علي مصر من الخارج وهتحقق خطة الدولة في الوصول لخطة تحقيق 30 مليون سائح وتحقيق 30 مليار دولار كايرادات من القطاع في 2028.
طيب اية اللي بتعمله الدولة علشان تزود الاستثمارات الأجنبية في السوق المصري ؟.
الحكومة في الفترة اللي فاتت قدمت تسهيلات كتيرة جدا للمستثمرين وأصحاب رؤوس الأموال الأجنبية للسوق المصري، والتسهيلات دي كانت عبارة عن تسهيلات في الحصول علي الاراضي لاقامة المشروعات الصناعية المختلفة ده غير التسهيلات اللي بتقدمها الحكومة للمستثمرين للحصول علي التراخيص اللازمة لبناء وتشغيل المشروعات واللي حاليا عبارة عن رخصة واحدة الحكومة بتمنحها للمستثمرين تحت اسم الرخصة الذهبية واللي هيا بتغني المستثمرين واصحاب رؤوس الأموال الأجنبية عن اللفة الطويلة اللي كانوا بيقموا بيها للحصول علي التراخيص من جهات كتيرة ومتعددة في الدولة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
