البنزين مغشوش!.. إزاي الجهات الرقابية بتكتشف التلاعب في البنزين والسولار - غاية التعليمية
غاية التعليمية يكتُب.. في كلام كتير انتشر خلال الساعات اللي فاتت أن البنزين الموجود في الأسواق المحلية مغشوش، وان الدولة مش قادرة علي توفير بنزين كويس للمواطنين .. ياتري اية حقيقة الكلام ده.. وازاي نفرق بين البنزين الكويس والمغشوش.
مصر واحدة من البلاد اللي معروفة بجودة إنتاجها من المواد البترولية خصوصا البنزين والسولار وعمره ما في مرة حد من المواطنين اشتكي من سوء جودة المواد البترولية، حتي لما الدولة اتجهت للاستيراد من الخارج بسبب النقص الموجود في الإنتاج المحلي فالدولة برضوا بتكون حريصة علي استيراد مواد مطابقة للمواصفات العالمية.
وزي ما احنا عارفين ان في شائعات كتيرة في جهات ومنظمات دولية روجوا لها خلال السنين اللي فاتت وطبعا الشائعات دي معروف مصدرها مين وهدفها اية وهو ضرب استقرار الدولة المصرية، وأنه يبقي في حالة ثوران من الشعب علي الحكومة والهدف النهائي طبعا معروف وهو أن الناس تثور وتعرضت علي قرار الحكومة في الشوارع والميادين بالتالى ترجع مصر لعصر الفوضي اللي هما عايزينه وبيسعوا له من سنين طويلة، وطبعا حملات التشوية دي بتكون ممولة مو جهات ومنظمات دولية وبيكون المقابل بالدولار ومش مهم هيدفعوا كام المهم انهم يوصلوا للنتيجة اللي هما عايزينها.
طيب اية حكاية البنزين المغشوش الموجود في الأسواق دلوقتي ؟.
خلال الساعات اللي فاتت انتشرت شائعة في الشارع المصري وعلي وسائل التواصل الاجتماعي أن البنزين الموجود في المحطات مغشوش وللاسف الشائعة دي انتشرت بشكل غريب جدا في كل محافظات الجمهورية، وطبعا الحكومة كانت لازم تتحقق منها وعلي طول وزارة البترول والثروة المعدنية شكلت لجأن وأخذت عينات من البنزين سواء المسوقة محليًا أو العينات التي يتم سحبها بشكل مستقل على مستوى الجمهورية من خلال المفتشين المحايدين من الجهات المعتمدة العالمية.
النتائج اللي خرجت عن لجان التفتيش والتحاليل اللي قامت بيها الوزارة أكدت أن البنزين المحلي مطابق للمواصفات القياسية المصرية، سواء كان الكميات الموجودة في مستودعات شركات التوزيع أو شركات التكرير المنتجة، وان البنزين المحلي بيخضع لرقابة وفحوصات دورية دقيقة ضمن عمليات الإنتاج والتوزيع المختلفة لضمان مطابقتها للمواصفات القياسية المصرية.
وزارة البترول تواصلت كمان مع كل شركات التسويق الكبرى ومن بينها شركات مصر للبترول والتعاون، وكلهم أكدوا أننظ موصلتش لهم أي شكاوي من المواطنين خاصة بجودة البنزين المحلي، وكمان نتائج شهادات تحليل البنزين المحلي واللي الوزارة والشركات أخذتها علي مدار شهر إبريل اللي فات والايام الحالية من شهر مايو الحالي أكدت أن مطابق للمواصفات القياسية المصرية.
الدولة ممثلة في وزارة البترول والثروة المعدنية أعلنت كمان عن تشكيل مجموعات جديدة للتفتيش الإضافي وسحب عينات من البنزين مباشرة من محطات الوقود على مستوى الجمهورية، والهدف من كل عمليات التفتيش دي هو ضمان جودة المنتجات وعدم التلاعب في أسعارها.
كُنا قد تحدثنا في خبر البنزين مغشوش!.. إزاي الجهات الرقابية بتكتشف التلاعب في البنزين والسولار - غاية التعليمية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية التعليمية الالكتروني.
